PARACELLARIUS

PARACELLARIUS
Macro est Palatii Pontificii Officialis, cui incumbebat mensae Papalis largitiones pauperibus distribuere. Anastasius Biblioth. in Zacharia, Hic beatissimus Papa statuit, crebris diebus alimentorum sumptus, qui et usque nunc eleemosyna appellatur, de venerabili Patriarchio a Paracellariis, pauperibus, et peregrinis qui ad B. Petrum morantur, deportari eisque erogari: Nec non et omnibus inopibus et infirmis, per universas regiones, istius Romanae Urbis constitutis, eandem similiter distribui ipsam alimentorum eleemosynam. Idem in Adriano I. Et erogentur omni die, per manus unius fidelissimi Paracellarii, eisdem pauperibus; accipiens unusquisque eorum portionem panis atque portionem vini etc. Subpulmentarius quoque vocabatur, uti ex Luithprando discimus, vide Macros Fratres in Hierolexico, et supra ubi de Cellariis.

Hofmann J. Lexicon universale. 1698.

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.